Тўлқин Алимардоновнинг «Раҳбарнинг ахлоқий қиёфаси» рисоласи раҳбар шахсининг маънавий-ахлоқий фазилатлари, бошқарув жараёнида ахлоқий меъёрларга риоя қилиш ҳамда раҳбар ва ходимлар ўртасидаги муносабатларни тўғри ташкил этиш масалаларига бағишланган.
Асарда раҳбар ахлоқининг моҳияти, унинг бошқарув тизими ва жамоа фаолиятига таъсири, ахлоқий муносабатларнинг тарихи, ижтимоий аҳамияти ва ўзига хос қонуниятлари таҳлил қилинган. Раҳбарга хос ҳалоллик, адолатпарварлик, масъулият, камтарлик, талабчанлик ва инсонпарварлик каби фазилатларнинг бошқарув самарадорлигидаги ўрни очиб берилган.
Шунингдек, рисолада раҳбарнинг ахлоқий имижи, касбий одоби, жамоа аъзолари билан мулоқот маданияти, раҳбар ва ходим муносабатларининг ахлоқий меъёрлари ҳамда бошқарув фаолиятида учрайдиган маънавий муаммолар ёритилган. Китобда раҳбар қиёфасининг ижтимоий-ҳуқуқий мезонлари ва бошқарув ахлоқининг назарий ҳамда амалий жиҳатларига ҳам эътибор қаратилган.