O.E. Hayitovning «Sport faoliyati psixologiyasi» darsligi sport faoliyatining psixologik qonuniyatlari, sportchi shaxsining o‘ziga xos xususiyatlari hamda musobaqa va mashg‘ulot jarayonlaridagi ruhiy holatlarni o‘rganishga bag‘ishlangan.
Darslikda sport psixologiyasi fanining predmeti, maqsadi va asosiy vazifalari, uning boshqa fanlar bilan aloqasi yoritilgan. O‘zbekistonda sport psixologiyasi sohasida olib borilgan ilmiy tadqiqotlar, sportchilarni psixologik tayyorlashning nazariy va amaliy asoslari hamda psixologik tayyorgarlikni tashkil etish tamoyillari bayon qilingan.
Asarda sportchining shaxsiy va irodaviy sifatlari, motivatsiyasi, hissiy holati, o‘z kuchiga ishonchi, diqqati va musobaqa oldidan yuzaga keladigan psixologik zo‘riqish masalalari tahlil qilinadi. Shuningdek, sport mashg‘ulotlarida psixologik tayyorgarlikni rejalashtirish, sportchilarning ruhiy barqarorligini oshirish va yuqori natijalarga erishishga ta’sir etuvchi omillarga e’tibor qaratilgan.