Darslikda «Sanoat iqtisodiyoti» fanining predmeti va vazifalari, iqtisodiyotning eng muhim, yetakchi tarmog‘i bo‘lgan sanoatning milliy iqtisodiyotdagi roli, o‘rni va ahamiyati, tarkibiy muammolar, boshqarish va rejalashtirishning ilmiy asoslari, fan-texnika taraqqiyoti, kadrlar va mehnatga haq to‘lash, asosiy va aylanma fondlar, mahsulot sifati va raqobatbardoshlik, qiymat va tannarx, foyda, rentabellik hamda Respublikada sanoat korxonalarini mahalliylashtirish dasturi, uning mazmun-mohiyati masalalari yoritilgan. Qo‘llanmada shuningdek, uslubiy masalalar va sanoat sohasida yuz beradigan iqtisodiy jarayonlarning mohiyatini ochib berishga alohida e’tibor qaratilgan.

Darslikda Prezidentimiz Islom Karimovning “Jahon moliyaviy iqtisodiy inqirozi, O‘zbekiston sharoitida uni bartaraf etishning yo‘llari va choralari” va “Mamlakatimizda demokratik islohotlar va fuqarolik jamiyatini rivojlantirish konsepsiyasi” nomli asarlarining asosiy mazmunidan kelib chiqadigan vazifalar ham bayon etilgan.

O‘zbekiston Respublikasi Oliy va o‘rta maxsus ta’lim vazirligi Oliy o‘quv yurtlarining iqtisodiyot sohasi bo‘yicha ta’lim olayotgan talabalari uchun darslik sifatida tavsiya etgan.